Yeni ixtisasları hansı müəllimlər tədris edəcəklər?

Məlum olduğu kimi, bu ildən 7 yeni ixtisas təsnifata əlavə olunub. Ali təhsil müəssisələrində riyaziyyat və fizika müəllimliyi, data analitikası, kənd təsərrüfatı texnologiyaları, heyvandarlıq, qidalanma və diyetologiya, proqram təminatı mühəndisliyi və qida texnologiyaları ixtisaslarının tədrisi aparılacaq. Eyni zamanda 10 ixtisasın adında dəyişiklik edilib. Bu yeniliklər müsbət hal kimi dəyərləndirilir. Bəs, yeni ixtisasları tədris etmək üçün müəllimlər varmı?

Məsələyə təhsil eksperti Elçin Əfəndi aydınlıq gətirib. O, Demokrat.az-a açıqlamasında qeyd edib ki, yeni yaradılmış ixtisaslar bir-birinə yaxın olduğu üçün mövcud müəllim heyəti bu ixtisasları tədris edə biləcək:

"Əlbəttə, yaxşı olardı ki, burada təkcə yerli müəllimlər deyil, xarici mütəxəssislər də iştirak etsinlər. Xarici müəllimlər aidiyyəti ixtisaslar üzrə tədrisə cəlb olunsunlar və onların təcrübəsindən istifadə olunsun. Belə olan halda biz adıçəkilən 7 ixtisas üzrə kadr hazırlığını daha mükəmməl şəkildə həyata keçirə bilərik".

Ekspert söyləyib ki, xarici mütəxəssislərin cəlb edilməsi məsələsi diqqətdədir:

"Düşünürəm ki, həmin ixtisasların tədris ediləcəyi təhsil müəssisələrinin rəhbərləri, o cümlədən Elm və Ali Təhsil üzrə Dövlət Agentliyi bu barədə müvafiq addımlar atacaqlar. Zənnimcə, kadr hazırlığı işi diqqətdə saxlanılacaq və bu istiqamətdə əməli işlər görüləcək".

Törə Zeynallı
Demokrat.az

Yeni ixtisasları hansı müəllimlər tədris edəcəklər? — Ekspert Açıqladı

Hesaba daxil ol

Qeydiyyatdan keç

Şifrəni bərpa et