Polşa Birləşmiş Ştatların Xarici Müdafiə Maliyyələşdirmə Proqramı çərçivəsində ordusunun transformasiyasını maliyyələşdirməyə kömək edəcək 4 milyard dollarlıq kredit imzalayıb.AFN.az xəbər verir ki, bu barədə Polşanın müdafiə naziri bildirib. "Bu, Polşa ilə Amerika Birləşmiş Ştatları arasında böyük etimadın və güclü müttəfiqliyin daha bir sübutudur" - deyə Vladislav Kosiniak-Kamysz X saytında yazıb. Onun sözlərinə görə, Birləşmiş Ştatlar ümumilikdə Polşaya 11 milyard dollardan çox yardım edib. Həmin vəsaitlər "Patriot" hava hücumundan müdafiə sistemləri və "Apache" helikopterləri də daxil olmaqla silah proqramlarının maliyyələşdirilməsində istifadə edilir.
