Tbilisidə hökumət əleyhinə keçirilən aksiyanın iştirakçıları parlament binasını pirotexniki vasitələrdən atəşə tutublar.
Bakıvaxtı.az xəbər verir ki, görüntüləri Gürcüstanın “İmedi” telekanalı canlı yayımlayıb.
Aksiya gecə boyu sakit davam edib. Heç bir insident qeydə alınmasa da, bir qrup naməlum gənc qəfildən pirotexniki vasitələrlə parlamentə atəş açmağa başlayıb.
Parlamentdə və ətrafda səfərbər olan polis hadisəyə reaksiya verməyib. Hazırda qanunverici orqanda vəziyyət sakitdir.
