"Kəpəz" Premyer Liqanın 14-cü turunda məğlubiyyətlə üzləşdi.
"Araz Naxçıvan"ı qəbul edən Qərb təmsilçisi ciddi müqavimət göstərə bilmədiyi matçda rəqibinə 0:2 hesabla uduzdu.
Qarşılaşmadan sonra futbolçularla azarkeşlər arasında gərgin anlar yaşanıb.
Fanatlar xüsusilə ikinci qolda kobud səhvlə yadda qalan Yeqor Xvalkonu sərt tənqid ediblər.
Kapitan onlara aqressiv reaksiya verincə gərginlik bir qədər də artıb.
Yalnız Xvalkonun komanda yoldaşları və mühafizə xidmətinin əməkdaşları belaruslu müdafiəçini hadisə yerindən uzaqlaşdırmaqla aranı sakitləşdirmək mümkün olub.
XANOĞLAN/ SPORTİNFO.AZ
