Suriya Hərbi Hava Qüvvələri və Rusiya Aerokosmik Qüvvələrinə məxsus təyyarələr Homs əyalətində müxalif silahlı birləşmələrin üzvlərinin toplaşdığı yerlərə zərbələr endirib, onlarla hərbçi məhv edilib.
Sitat.info xəbər verir ki, bu barədə Suriya Müdafiə Nazirliyi məlumat yayıb.
“Həma və Homs kəndlərində fəaliyyət göstərən qüvvələrimiz silahlıların yerləşdiyi ərazilərə və təchizat xətlərinə intensiv artilleriya və raket hücumları həyata keçirir. Suriya və Rusiya döyüş təyyarələri Homs vilayətinin şimal-şərqində silahlıların cəmləşdiyi ərazilərə zərbələr endirib, onlarla hərbçi , onların nəqliyyat vasitələri və avadanlıqları məhv edilib"- deyə məlumatda deyilir.
Nigar,
Sitat.info
