Çərşənbə günü Lionel Messinin Bakıya gələcəyi ilə bağlı yayılan xəbər böyük ajiotaj doğurdu.
Belə ki, "İnter Mayami"nin argentinalı ulduzu komanda yoldaşları - Luis Suares, Serxio Buskets və Jordi Alba ilə birlikdə Azərbaycana səfər edəcək.
Dekabrın 11-nə planlaşdırılan görüşün təşkilatçısı azərbaycanlı iş adamı Adnan Əhmədzadədi. Kristal Zalda keçiriləcək tədbirdə pərəstişkarlar dünya çempionu, səkkiz dəfə "Qızıl top" mükafatını qazanan Lionel Messi və komanda yoldaşlarını görmək imkanı qazanacaq. Bunun üçün isə qiyməti 10-50 manat arasında dəyişən bilet almaq lazımdı. Messinin futbol həyatını əks etdirən bioqrafik film göstəriləcək. Tədbiri xüsusi musiqi atmosferi müşayiət edəcək. Kristal Zalın səhnəsində dünya şöhrətli bəstəkar və müğənni Villi Uilyam, məşhur "Morandi" qrupu çıxış edəcək. Biletləri iTicket.az saytından və satış məntəqələrindən əldə etmək olar. Satışdan əldə olunan vəsait xeyriyyə məqsədinə yönəldiləcək.
Yeri gəlmişkən, elan veriləndən bir gün keçməmiş 10 mindən çox bilet satılıb, yəni ulduz futbolçu ilə görüşə maraq hədsiz böyükdü.
RÖYANƏ OĞUZ
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
