Müqəddəs Taxt-Tac üzrə kardinalların sayı artırılıb. SİA xəbər verir ki, Roma Katolik Kilsəsinin rəhbəri Papa Fransiskin iştirakı ilə Müqəddəs Pyotr Bazilikasında 21 yeni kardinalın andiçmə mərasimi keçirilib. Roma Papası yeni kardinallara aşındırıcı rəqabətə təslim olmamağı, düşmənçilik divarlarını yıxmağı və birlik yaratmağı tövsiyə edib. Mərasimdə 5500 dindar iştirak edib.
Yeni kardinalların təyin edilməsi ilə beş yeni ölkə - Əlcəzair, Avstraliya, Ekvador, İran, Serbiya siyahıya əlavə olunub. Bu, Papa Fransiskin pontifikatının sayca 10-cu tərkibidir. Hazırda Müqəddəs Taxt-Tacın kardinallarının sayı 253-dür ki, onlardan 140-ı seçici və 113-ü qeyri-seçicidir.
Qeyd edək ki, kardinal xristian katolik kilsəsinin ruhani rütbəsidir.
