Ötən axşam “İctimai” televiziyada yayımlanan “Vətəndaş A“ serialının son 12-ci bölümü nümayiş edilib.
OLAY yazır ki, sözügedən ekran işinin finalını birlikdə seyr etmək üçün serialın baş prodüseri Sevinc Əliyeva və “Almaz” obrazının canlandıran aktrisa Günəş Mehdizadə dostları ilə birgə bir araya toplaşıblar.
Serialın son bölümünü izlədikdən sonra Günəş təəssüratlarını jurnalist Pərviz Hüseyni ilə bölüşüb.
“Çox zaman keçib buna görə də bəzi səhnələri unutmuşdum. Bu layihə elə - belə olmadı ki, bu qədər insanlar sevdi. Biz bilməliyik ki, yaxşı iş ərsəyə gətirəcəyiksə demək ki, həqiqətən seviləcək. Necə ki, “Vətəndaş A” serialı sevildi, insanların sevgisini qazandı. Demək ki, bizim əziyyətimiz və əməliyimiz elə belə deyil. Bu seriala bütün yaş kateqoriyaları baxdı. Bunu isə mən gözləmirdim. “Almaz”in serialda dediyi “Estafet artıq sizdədir” səhnəsi məni təsirləndirdi. Bu gələcək nəsilə bir mesajdır. Bu sözlər həm də bir film sahəsinə mesajdır ki, peşəkar işlərlə məşğul olaq. Bundan sonra Azərbaycanda bayağı serial və filmlər çəkilməsin. Rəqabət üçün nələrsə olsun. Bu serial nümunə olsun. Əgər “Vətəndaş A” rezonans yarada bildisə demək ki, başqa iş də səs-küy yarada bilər və bundan üstünü də ola bilər. Bu rəqabət olsa demək Azərbaycanda bu sahə inkişaf edə biləcək”, - deyə aktrisa bildirib.
S. Əliyeva isə seriala baxdıqdan sonra göz yaşlarına qərq olub.
Sevinc ərsəyə gətirdiyi layihə ilə bağlı bu fikirləri səsləndirib:
“Bu layihə çox əziyyətli oldu. Günəş çox sağol ki, bu layihəyə razılaşdın. Həqiqətəndə Günəş serialda “Almaz”ı yaratdı. Hərdən həyatımda elə şeylər baş verir ki, alınmır... Alındığı halda isə deyirsən ki, nə yaxşı ki, filan məsələ və ya iş alınmadı ki, məhz bu alındı və bu daha yaxşı oldu. “Vətəndaş A”dan əvvəl mənə digər layihələrdə təqdim olunmuşdu amma sonrada dəyişildi. “Vətəndaş A” təsdiqlənəndə və sonra “Almaz”... Günəşin ilk seriala gəlişində və teksti oxuyanda dedim ki, o “Almaz”dı. Və o “Almaz” bu “Almaz” bütün Azərnbaycanın sevimlisidir. Halbuki, Günəş həqiqətən də daha əvvəl bir çox seriallara çəkilmişdi amma önünə bu layihə kimi uğurlusu çıxmamışdı. Serialda deyildiyi kimi, Azadlıq hər kəsin bir layəqət sınağıdır”.
