Futzal üzrə Azərbaycan Kubokunda ilkin mərhələnin oyun təqvimi açıqlanıb.
Azərbaycan Futzal Federasiyasından AZƏRTAC-a verilən məlumata görə, bu mərhələdə I Liqa turnir cədvəlinin son 4 pilləsində yer alan komandalar qarşılaşacaqlar.
Dekabrın 26-da saat 20:00-da “Ulduz” “Dəstə Ordubad”la, saat 21:00-da isə “Çarşı Bakı” “Delta” ilə üz-üzə gələcək. Hər iki görüş Olimpik Starda gerçəkləşəcək.
Qaliblər 1/8 final mərhələsinə yüksələcəklər. Bu və sonrakı mərhələlərin oyun təqvimi püşk vasitəsilə müəyyənləşəcək.
