Türkiyənin İsparta bölgəsində təlim uçuşu həyata keçirən UH-1 çoxməqsədli helikopteri qəzaya uğrayıb.
“Poliqon” Türkiyənin Milli Müdafiə Nazirliyinə istinadən xəbər verir ki, qəza nəticəsində 6 hərbi qulluqçu həlak olub.
Qeyd olunub ki, qəzaya səbəb təlim zamanı iki hərbi helikopterin bir-birinə təmas etməsi olub.
Təmas nəticəsində helikopterlərdən biri təhlükəsiz şəkildə eniş etsə də, digəri qəzaya uğrayıb.
Bildirilib ki, qəza zamanı həyatını itirən 6 hərbi qulluqçudan biri İsparta Quru Qoşunları Aviasiya Məktəbinin komandiri briqada generalı İsa Baydillidir.
