Türkiyənin cənub-şərqindəki Hatay vilayətində Suriya ilə həmsərhəd Cilvegezü keçid məntəqəsində suriyalı qaçqınların vətənlərinə qayıtmağa başlaması ilə əlaqədar növbələr yaranıb.
Ucnoqta.az xəbər verir ki, bu barədə “TV 100” telekanalı məlumat yayıb.
Məlumata görə, jandarm nəzarət-buraxılış məntəqəsinə düşən yükü azaltmaq və sərhədi keçmə prosedurunu sadələşdirmək üçün oradan 5 km aralıda ayrıca nəzarət məntəqəsi yaradıb.
Bazar ertəsi səhər saatlarından etibarən növbədə bir neçə yüz adam var idi.
Türkiyə Daxili İşlər Nazirliyinin məlumatına görə, respublikada 2,9 milyondan bir qədər çox suriyalı qaçqın ola bilər.
Türkiyə prezidenti Rəcəb Tayyib Ərdoğan daha əvvəl 1 milyona yaxın qaçqının Suriyaya qayıtmasını təmin etmək planlarını açıqlamışdı.
