"Moskva öz ordusunun Ukrayna bataqlığına düşməsi səbəbindən Suriyanı itirir..."
Rusiya öz hərbi kontingentinin Suriya ərazisindən təhlükəsiz şəraitdə çıxarılması üçün Türkiyədən yardım istəyib.
Moderator.az xəbər verir ki, bu barədə "CNN Türk" nəşri məlumat yayıb.
Nəşrin məlumatına görə, yalnız Tartus hərbi-dəniz bazası və Xmeymim aviasiya bazası istisnadır. Lakin Moskva hazırda öz qoşun hissələrinin təhlükəsiz şəraitdə çıxarılmasının üsulunu axtarır və Ankaranın dəstəyinə bel bağlayır.
"Görsənir ki, bu qoşunlar Türkiyə Silahlı Qüvvələrinin nəzarətində olan əraziyə köçürüləcək, sonra hava ilə Rusiyaya göndəriləcək. İranın oyuncaq qüvvələri Suriyada artıq səmərəli deyil.
Əsəd rejiminin süqutu və Rusiya qoşunlarının Suriyadan çıxarılması
İşğalçı Rusiya 2015-ci ildə Suriyada öz hərbi kontingentini yerləşdirib, bu da diktator Bəşər Əsədə artıq o zaman dördüncü il davam edən vətəndaş savaşında qalib gəlməyə imkan verib.
Rusiya təyyarələri dəfələrlə Suriya şəhərlərini və həm də dinc əhalini bombardman edib.
28 noyabr 2024-cü ildə Suriyada müxalifət qoşunları genişmiqyaslı hücuma başlayaraq şəhərləri bir-birinin ardınca ələ keçirməyə başlayıb. Nəticədə Bəşər Əsəd rejimi süqut edib, diktatorun özü isə dekabrın 8-nə keçən gecə Dəməşqdən qaçıb və hal-hazırda deyilənə görə, ailəsi ilə birlikdə Moskvaya sığınıb.
Ukrayna MN Baş Kəşfiyyat İdarəsi məlumat verib ki, Rusiya qoşunları Suriyanın böyük şəhərlərini tərk etməyə başlayıb, xeyli silah və texnika arsenalı olan hərbi bazalarını saxlayıb. Kreml Rusiya hərbi kontingentinin komandanı Sergey Kiseli istefaya göndərib.
Dekabrın 8-də isə Baş Kəşfiyyat İdarəsi məlumat verib ki, Rusiya komandanlığı Bəşər Əsəd rejiminin süqutindan sonra öz kontingentini, o cümlədən Tartus hərbi-dəniz bazasından gəmilərini və Xmeymim aviasiya bazasından silahlarını çıxarıb.
Analitiklər hesab edir ki, Moskva öz ordusunun Ukrayna bataqlığına düşməsi səbəbindən Suriyanı itirir. Tammiqyaslı hərbi müdaxilə Rusiyanı Suriyadan təyyarələrinin bir hissəsini çıxarmağa vadar edib, "Vaqner" özəl hərbi şirkətinin muzdluları isə Yevgeni Priqojinin qiyamından sonra ölkəni tərk edib.
