Azərbaycan tibbi turizm nümayəndələrindən ibarət geniş nümayəndə heyəti İzmir Beynəlxalq Tibbi Turizm Sərgisində ölkəmizi təmsil edib.5-7 dekabr tarixini əhatə edən sərgi İzmir Bələdiyyəsi və İzmir Ticarət Odası tərəfindən birgə təşkil edilib. Bu barədə AFN.az-a Azərbaycan Sağlamlıq və Termal Turizmə Dəstək Assosiasiyası İdarə Heyətinin sədri Ruslan Quliyev məlumat verib. Onun sözlərinə görə, böyük ekspozisiya sahəsini əhatə edən sərgidə Azərbaycan tibbi turizm təmsilçiləri də ayrıca stendlə iştirak edib. Sərginin ikinci günü B&B görüşlərlə davam edib. Daha sonra İzmirdə fəaliyyət göstərən sağlıq quruluşları ziyarət edilib. Sərgidə Qlobal Sağlamlıq Turizmi Şurasının üzvləri də yaxından iştirak edib.Qeyd edək ki, İzmir Beynəlxalq Tibbi Turizm Sərgisi dünyanın müxtəlif ölkələrinin sağlıq turizmi təmsilçilərinin görüş yeri olmaqla, bu il bir çox sağlamlıq turizmi müəssisəsini bir araya gətirib. FƏXRİYYƏ
