Koreya Respublikasının Ədliyyə Nazirliyi prezident Yun Seok-yeola ölkədən çıxmağı qadağan edib. Bu barədə "Tona İlbo” qəzetinə yazıb.
Qadağa ilk dəfədir ki, hazırkı prezidentə şamil edilir. Bundan əvvəl antikorrupsiya istintaq idarəsinin rəhbəri Yun Seok Yeolun ölkədən çıxışına qadağa qoyulmasını əmr etdiyini açıqlamışdı.
Cənubi Koreya qanunları vəzifədə olan prezidentin qiyam və dövlətə xəyanət ittihamları ilə mühakimə olunmasına icazə verir.
Dekabrın 3-də parlament müxalifətinin hərəkətləri səbəbindən Yun Seok-yeol "Şimali Koreya tərəfdarı olan ünsürlərə” qarşı mübarizə məqsədilə hərbi vəziyyət tətbiq etmişdi və bu, heç bir əsas olmadığı üçün təxminən altı saat sonra ləğv edilmişdi.
Dekabrın 7-də Koreya Respublikasının parlamentində prezidentin impiçmenti ilə bağlı səsvermə keçirilib. Hakim partiya səsverməni boykot etdiyi üçün impiçment elan olunmayıb. Bundan əvvəl Yoon Seok-yeol həmvətənlərindən üzr istəyib və dövlət işlərində, o cümlədən səlahiyyət müddəti məsələsində hakim partiyaya və hökumətə güvəndiyini bəyan edib.
Aytac
www.anews.az
