Üzümüzə gələn il, yəni 2025-ci il Yaşıl İlan ili olacaq. Bir çox insan inanır ki, illərə verilən adlar həyatımıza təsir edir. Hətta artıq bir çoxunun fikrincə 2025-ci il ilan kimi "sürünməli", yəni uğursuz olacaq.
Bəs astroloqlar bu barədə nə fikirləşir?
Mövzu ilə bağlı Redaktor.az-a danışan astroloq Cərullah Mustafaoğlu bildirdi ki, deyilənlərin əksinə 2025-ci il uğurlu gələcək:
"Martın 20-dən sonra yaşıl ilan ili həmin il doğulanlara və öküz, xoruz illərinə daha uğurlu olacaq. İlan ili ümumiyyətlə müdrik, çevik və dərin düşüncə ilə əlaqələndirilir. Xüsusilə yaşıl rəng yenilənmə, inkişaf və harmoniya enerjilərini simvolizə edir. Elə ona görə də bu il, zəkaya və strateji düşünməyə əhəmiyyət verənlər, dəyişikliklərə uyğunlaşa bilənlər, təbiəti olduğu kimi qəbul edənlər şanslı ola bilərlər".
Astroloqun sözlərinə görə, uğur qazanmaq istəyənlər bunları etməlidir:
"Təbii ki, uğur bizim ayağımıza gəlmir. Bunun üçün nəsə etməliyik. İnsanlara məsləhətim odur ki, təhlükələrdən uzaq olmağa çalışsınlar. İlan ili tələsik qərar verən, səbrsiz insanları cəzalandıra bilər. Şəxsi və peşəkar həyatdakı konfliktləri minimuma endirməli, daha çox əməkdaşlıq və anlayışa yönəlmək həyatınızda dəyişikliklərə səbəb ola bilər".
Türkan İSGƏNDƏRLİ
