Futzal üzrə Avropa çempionatının (AÇ-2026) əsas mərhələsində İsveç yığması ilə qarşılaşacaq Azərbaycan millisinin heyətində dəyişiklik olub.
Arena.az bu barədə Azərbaycan Futzal Federasiyasının mətbuat xidmətinə istinadən xəbər verir.
Belə ki, zədəli Kənan Manafov yığmanın heyətindən kənarlaşdırılıb. Onu Emil Həsənzadə əvəzləyib.
Xatırladaq ki, Azərbaycan – İsveç matçı dekabrın 17-də Bakı İdman Sarayında keçiriləcək. Oyuna saat 20:00-da start veriləcək.
