Fransa, Almaniya və İngiltərə İranın nüvə proqramını genişləndirmək üçün atdığı son addımları pisləyib. SİA xəbər verir ki, bununla bağlı üç ölkə birgə bəyanat yayıb.
Bəyanatda aşağıdakılar qeyd olunub: “İranın nüvə proqramını genişləndirmək üçün atdığı son addımları pisləyirik. İranın istifadədə olan sentrifuqaların sayını artırıb. Əlavə zənginləşdirmə infrastrukturunun yaradılması üçün hazırlıqlara başlayıb.
Beləliklə, zənginləşdirmə imkanlarının daha da artırdığını öyrənmək bizi son dərəcə narahat edir. İranın yüksək dərəcədə zənginləşdirilmiş uran ehtiyatı artacaq. Hazırda bunun üçün heç bir etibarlı mülki əsaslandırma yoxdur”.
