Bakı, 10 dekabr, AZƏRTAC
Bakıda “Orqan transplantasiyasında müasir dövrün çağırışları” mövzusunda keçirilən beynəlxalq elmi konfransın iştirakçıları dekabrın 10-da Fəxri xiyabanda Ulu Öndər Heydər Əliyevin məzarını ziyarət ediblər.
AZƏRTAC xəbər verir ki, konfrans iştirakçıları - Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin, Mərkəzi Gömrük Hospitalının və Türkiyənin “Florence Nightingale” Xəstəxanalar Qrupunun nümayəndələri Ümummilli Lider Heydər Əliyevin xatirəsini ehtiramla anıb, məzarı önünə əklil qoyub, tər güllər düzüblər.
Sonra qonaqlar Ulu Öndərin ömür-gün yoldaşı, görkəmli oftalmoloq-alim, akademik Zərifə xanım Əliyevanın xatirəsini yad edərək, məzarı üzərinə gül dəstələri qoyublar.
Tanınmış dövlət xadimi Əziz Əliyevin və professor Tamerlan Əliyevin də məzarları ziyarət olunub.
