İxtisas seçimi edərkən abituriyentlər nələrə diqqət etməlidirlər? Ballarda artım və ya azalma gözlənirmi?
Mövzu ilə bağlı təhsil eksperti Rizvan Fikrətoğlu İNFOAZ.WS-ə bildirib ki, buraxılış imtahanını verdikdən sonra müəyyən qədər təsəvvür yaranır ki, ballarda necə artım və ya azalma müşahidə oluna bilər.
“Blok imtahanı verəndən sonra isə 90%-dən çox ehtimal etmək olur ki, gedişat təxmini necə formalaşacaq. Amma indiki halda abituriyentlər imtahan verməyib deyə dəqiq rəy bildirmək doğru deyil”.
Rizvan bəyin sözlərinə görə, 2024-cü il son illərlə müqayisədə keçid ballarının ən çox qalxdığı il oldu.
“2025-ci ildə ehtimal var ki, artım müşahidə edilməsin. Faktiki olaraq heç bir imtahan verilmədiyi üçün bu, sadəcə ehtimaldır”.
Fatimə Məmmədova
