“Qarabağ” Avropa Liqasının Liqa mərhələsinin VI turunda “Elfsborq”un qonağı olacaq.
“FutbolPress“in məlumatına görə, “atlılar” avrokuboklarda 4-cü dəfə İsveç səfərinə yollanacaq. Komanda bundan öncə “Gefle”, “Höteborq” və “Hekken”lə rəqib meydanında üz-üzə gəlib.
“Qarabağ” İsveçdə buna qədər 2 qələbə qazanıb. “Atlılar” “Hekken” və “Gefle”dən üstün olub.
“Qarabağ” bu mövsüm daha bir İsveç klubu ilə üz-üzə gəlib. Liqa mərhələsində Bakıda “Malmö” ilə qarşılaşan təmsilçimiz 1:2 hesabıyla uduzub.
“Elfsborq” – “Qarabağ” oyunu saat 00:00-da start götürəcək.
