Gürcüstan DTX-sı etiraz aksiyalarının təşkilatçılarının gizli planı ilə bağlı bəyanat verib
Tbilisidə hökumət əleyhinə mitinqlərin təşkilatçıları Gürcüstanda dekabrın 14-nə təyin edilmiş prezident seçkilərini pozmağa çalışacaqlar. Bu barədə Gürcüstanın Dövlət Təhlükəsizlik Xidmətinin (DTX) bəyanatında deyilir. Bəyanatda bildirilib ki, “alınan məlumatlara görə, dağıdıcı və cinayətkar aksiyaların təşkilatçıları Gürcüstanda 2024-cü il dekabrın 14-nə təyin edilmiş prezident seçkiləri prosesinin baş tutmamasına çalışır, bunun qarşısını almaq üçün əllərindən gələni edirlər. Onlar Gürcüstanın altıncı prezidentinin seçilməsinə mane olmaqla süni hakimiyyət böhranı yarada biləcəklərinə ümid edirlər”.
DTX çağırış etdi: Vətəndaşlar ehtiyatlı olmalıdır...
Vurğulanıb ki, cinayətin təşkilatçıları çərşənbə axşamı, çərşənbə və cümə axşamı qismən, cümə günü isə maksimum vəziyyəti gərginləşdirməklə etiraz ittihamını artırmaq, iki-üç nəfərin ölümünə nail olmaq niyyətindədir. “Bununla da onlar etirazları artıraraq radikal əhval-ruhiyyəni təşviq etmək istəyirlər. Onların fikrincə, bu, prosesi idarəolunmaz hala gətirəcək və buna görə hakimiyyət günahlandırılmalıdır”, - deyə kəşfiyyat xidmətinin məlumatında bildirilib.
Gürcüstanın Dövlət Təhlükəsizlik Xidməti vətəndaşları xəsarət almamaq üçün maksimum diqqətli olmağa çağırıb. Eyni zamanda, hakimiyyət insanlardan şübhəli vəziyyət və ya təxribat cəhdi zamanı baş verənləri videokamera ilə lentə almağı, hüquq-mühafizə orqanlarına müraciət etməyi xahiş edib.
Rəngli inqlab ssenarisi...
Gürcüstan DTX-sı həmçinin bildirib ki, etirazlar rəngli inqilablar ssenarisi üzrə təşkil olunub. Vurğulanıb ki, Tbilisidə hökumət əleyhinə mitinqlər yerli fəallar tərəfindən xarici kəşfiyyat xidmətləri ilə razılaşdırılaraq keçirilir. “Yerli fəallar bu etirazların keçirilməsini xarici dövlətlərin xüsusi xidmət orqanları ilə razılaşdırırlar. Bu plan, ümumilikdə hadisələrin genişlənməsinə səbəb olan, dinc əhalinin öldürülməsi ilə yekunlaşan müxtəlif səhnələr və mərhələli dağıntılar da daxil olmaqla rəngli inqilablar adlandırılan sübut edilmiş ssenari əsasında hazırlanır”.
Aİ çağırış etdi...
Aİ isə 27 ölkənin xarici işlər nazirlərinin birgə son iclasında Gürcüstandakı vəziyyəti müzakirə edəcək, Tbilisiyə qarşı yeni tədbirləri nəzərdən keçirəcəklər. Bu barədə Aİ-nin xarici siyasət xidmətinin bəyanatında deyilib. “Gürcüstanın hakim partiyasının davranışları ölkənin Aİ-yə üzvlük prosesinin virtual dayandırılmasına səbəb olub. Aİ ikitərəfli münasibətlərimiz üçün dekabrın 16-da keçiriləcək Xarici Əlaqələr Şurasında əlavə tədbirləri nəzərdən keçirəcək”, - deyə vurğulanan sənəddə Aİ “Gürcü Arzusu”nu vəziyyəti deeskalasiya etməyə və bu vəziyyətə son qoymağa çağırıb.
SADİQ
