Təhsilin beynəlmilləşməsi üçün universitetlərin üzərinə böyük iş düşür.
AzEdu.az xəbər verir ki, bu sözləri Elm və ali təhsilin beynəlmilləşməsi tədbirində xarici işlər nazirinin müavini Yalçın Rəfiyev bildirib.
O qeyd edib ki, təhsilin beynəlmilləşməsi üçün ali təhsil müəssisələrinin üzərinə böyük iş düşür. Ölkəmizin inkişafı üçün zəruri kapitala malik olan təhsil müəssisələrimizdən bu baxımdan gözləntilərimiz çoxdur.
Azərbaycanın ali təhsil müəssisələrində xarici tələbələrin təhsil almasına imkan verən layihələr təhsilə müstəsna töhfə verir.
Bir sıra ölkələrdə xüsusən də, yoxsulluq mövcud olan dövlətlərdə təhsil üçün maliyyə olmasa da, donor dövlətlər həmin ölkələrin təhsilinə maliyyə vəsaiti ayırırlar”.
