Altay dağlarında minik avtomobili çay kanalına aşıb, hadisə nəticəsində 2 nəfər ölüb, daha 2 nəfər yaralanıb.
Qaziler.az Rusiya mətbuatına istinadən bildirir ki, bu barədə dekabrın 11-də Altay diyarı üzrə Daxili İşlər Nazirliyi məlumat yayıb.
“Sürücü və 37 yaşlı qadın sərnişin aldıqları xəsarətlərdən tibb müəssisəsinə aparılarkən dünyasını dəyişib. Bundan əlavə, 60 və 33 yaşlı daha iki sərnişinin tibbi yardıma ehtiyacı olub və onlar xəstəxanaya yerləşdiriliblər”, - idarənin Telegram kanalında deyilir.
Qeyd olunur ki, qəza yerli vaxtla saat 06:20 radələrində Ust-Koksinski rayonunun Verx-Uimon kəndi yaxınlığında baş verib. Daxili İşlər Nazirliyindən verilən məlumata görə, 26 yaşlı yerli sakin idarə etdiyi “Nissan Sunny” markalı avtomobili idarə edib. Sürücü idarəetməni itirib, daha sonra avtomobil yolun hərəkət hissəsindən çıxıb və kanala düşüb.
Faciə ilə bağlı araşdırma aparılır. Hadisənin hansı şəraitdə baş verdiyi aydınlaşdırılır.
QAZİLER.AZ
