İsrail Müdafiə Qüvvələri (İDF) Suriya ordusunun hərbi potensialının 80%-ə qədərini məhv edib - Suriyanın keçmiş silahlı qüvvələrinin 320 strateji hərbi obyekti hücuma məruz qalıb. Bu barədə İsrailin N12 telekanalı İsrail komandanlığına istinadən məlumat yayıb.
Keçmiş Suriya Ərəb Ordusunun (SAA) təyyarələri, zenit-raket kompleksləri, yeraltı qurğuları, gəmiləri, istehsal müəssisələri və anbarlarının İsrail təyyarələri və raketləri ilə vurulduğu iddia edilir.
Keçmiş Suriya donanmasının gəmiləri də məhv edilib.
Bundan əvvəl Suriyanın yeni hakimiyyət orqanları silahlı müxalifət nümayəndələrinə işğal etdikləri şəhərləri tərk etməyi əmr etmişdi.
Noyabrın 28-də Suriyanın silahlı müxalifət qrupları Hələb vilayətinin qərb bölgələrində hökumət qoşunlarına qarşı irimiqyaslı hücuma başlayıb. Bir həftə yarımda Homs, Həma, Hələb və Dəməşqi işğal etdilər. Suriya ordusunun komandanlığı prezident Bəşər Əsədin hakimiyyətinin “bitdiyini” açıqlayıb.
Oxuməni.az
