UEFA Çempionlar Liqasının Liqa mərhələsinin 6-cı turunda Donetsk "Şaxtyor"unu 5:1 hesabı ilə məğlub edən "Bayern Münhen"in hücumçusu Tomas Müller qələbəni dəyərləndirib.
Fanat.Az xəbər verir ki, "Reuters" darmadağında bir qolla pay sahibi olan təcrübəli futbolçunun sözlərini belə çatdırıb:
"Biz məmnunuq. Pressinq sayəsində rəqibin qapısı qarşısında çox sayda təhlükəli vəziyyət yaratdıq. Daha çox qol vura bilərdik. Arxayınlaşmaq olmaz. Belə davam etməliyik"
Xatırladaq ki, Ukraynadakı müharibə səbəbindən qarşılaşma Almaniyanın Helzenkirhen şəhərindəki "Auf Şalke" stadionunda keçirilib. Hazırda 12 xalı olan "Bayern" ÇL-in turnir cədvəlində 8-ci, 4 xala malik "Şaxtyor" isə 27-ci sırada qərarlaşıb.
Nihat
