Ukrayna Silahlı Qüvvələri Rusiyanın Taqanroq şəhərinə hücum edib.
Teleqraf.com yerli mətbuata istinadan xəbər verir ki, bu barədə Rusiya Müdafiə Nazirliyi məlumat yayıb.
Məlumata görə, hücum zamanı Ukrayna Silahlı Qüvvələri Taqanroq hava limanına altı ədəd ATACMS ballistik raketi atıb.
Müdafiə departamenti qeyd edib ki, iki raket “Pantsir” hava hücumundan müdafiə sistemi tərəfindən vurulub. Raket qalıqlarının düşməsi nəticəsində şəxsi heyət arasında itkilər olub. Dağıntı qeydə alınmayıb, lakin aerodromun texniki ərazisindəki iki binaya və üç hərbi texnikaya, eləcə də bitişik dayanacaqda mülki avtomobillərə qəlpələrdən cüzi ziyan dəyib.
Müəllif: Arzu
