“Səfərdə “Zirə”ni məğlub edib, “Sabah” və “Neftçi” kimi rəqiblərlə bərabərə qalan komanda zəif ola bilməz”
Bu sözləri Sportinfo.az-a açıqlamasında “Şamaxı”nın hücumçusu Leroy Mikels deyib.
Cari mövsümdən Azərbaycanda çıxış edən almaniyalı legioner “büdcəsinə, şəraitinə, futbolçuların keyfiyyətinə görə “Şamaxı”nı Premyer Liqanın ən zəifi hesab edə bilərikmi” sualına cavabında bunları söyləyib:
“Keyfiyyətimiz və şəraitimiz yaxşıdır. Sadəcə, toparlanmalı və əvvəlki günləri qaytarmalıyıq.
Bu komanda 7 oyunda 12 xal qazanmağı bacarmışdı. Həmin nəticəni yenə təkrar edə bilərik.
Bunun üçün qol vəziyyətlərindən yaxşı istifadə etməliyik”.
