Premyer Liqanın XVI turunun “Sumqayıt” – “Neftçi” oyununda (2:0) qonaq komandanın baş məşqçisi Samir Abasova qarşı tənqidedici şüarlar səsləndirilib.
Futbolpress.az xəbər verir ki, “kimyaçılar”ın azarkeş qrupları komandanın sabiq çalışdırıcısı Abasova qarşı şüarların səsləndirilməsinin klub tərəfindən təkli olunmadığını bildirib. “UltraSumqayıt” və “Kimyaçılar” fan qrupları sosial şəbəkə hesablarında bəyanat yayaraq bu haqda açıqlama verib.
Fanatlar şüarların özlərinəməxsus olduğunu və “Sumqayıt” klubunun sifariş ilə deyilmədiyini bildirib.
Azarkeş qrupları daha öncə Samir Abasova qarşı şüarlara görə mütəxəssisdən üzr istəmişdi.
