ATACMS raketləri ilə Taqanroqdakı hərbi aerodroma endirilən raket zərbəsi cavabsız qalmayacaq.
Axar.az xəbər verir ki, bu barədə Rusiya Müdafiə Nazirliyi açıqlama yayıb.
"Qərbin uzaqmənzilli silahlarının bu hücumu cavabsız qalmayacaq, müvafiq tədbirlər görüləcək", - Rusiya MN bildirib.
Qeyd edək ki, Ukrayna ATACMS raketləri ilə Rusiyanın Taqanroq şəhərinə zərbə endirib.
İki raket "Pantsir" hava hücumundan müdafiə sistemi tərəfindən vurulub. Raketlərin qalıqlarının düşməsi nəticəsində hərbçilər arasında yaralananlar olub. Həmçinin iki bina və üç hərbi maşın zərər görüb.
Hücumun hədəfi hərbi aerodrom olub.
