"Sumqayıt"ın müdafiəçisi Miloş Miloviç Premyer Liqanın 16-cı turunda "Neftçi"ni məğlub etdikləri (2:0) qarşılaşmadan sonra Sportinfo.az-a açıqlama verib.
O, ilk olaraq vacib qələbədən danışıb:
"Biz daha çox diqqətimizi cəmlədik və qalib gəlmək üçün böyük iradə göstərdik. Komanda olaraq birlikdə mübarizə apardıq. Düşünürəm ki, buna görə bu oyunu qazanmağa layiq idik".
Yeni baş məşqçi Vaqfi Cavadovun rəhbərliyi altında "kimyaçılar" 8-ci matçında 5-ci qələbəni aktivinə yazdı. Maraqlıdır, gənc mütəxəssis klubda nəyi dəyişə bilib?
28 yaşlı monteneqrolu legioneri dinləyək:
"Nəyi dəyişməsi haqda çox danışa bilmərəm. Amma fərq aydın görünür. Məsələn, indi irəli daha tez çıxırıq. Sürətli oynamağa çalışırıq. Ümid edirəm ki, vaxt ötdükcə hər şey daha yaxşı olacaq".
XANOĞLAN
