DailyMail tərəfindən dərc edilən təhlilə görə, insult nisbətlərinin artmasının əsas səbəbləri arasında qeyri-sağlam həyat tərzi göstərilir.
Ucnoqta.az xəbər verir ki, Böyük Britaniya Milli Sağlamlıq İnstitutunun (NHS) apardığı araşdırmaya görə, bu vəziyyətdən ən çox təsirlənən qrup 40 yaşdan aşağı kişilərdir.
Mütəxəssislər bu risk faktorlarının gənc yaşda insult keçirmə ehtimalını artırdığına diqqət çəkir və sağlam həyat tərzi vərdişlərinin mənimsənilməsinin vacibliyini vurğulayır.
2005-ci ildə insult hallarının 52,8 faizi 39 yaşa qədər kişilər, 47,2 faizi isə qadınlar olub. Amma bu il kişilərin nisbəti halların üçdə ikisini təşkil edərkən, qadınların nisbəti bir qədər azalaraq 42,3 faizə düşüb.
Gənclərdə insult hallarının artmasının səbəbi stresli həyat tərzidir. Kişilərlə müqayisədə insult nisbəti qadınlarda cəmi 1 faiz artıb. Bir neçə həftə əvvəl NHS 50 yaşdan kiçik insanlar arasında insult hallarının əhəmiyyətli dərəcədə artdığını qeyd etdi.
Xüsusilə 50-59 yaş arası fərdlərdə son 20 ildə insult nisbəti yüzdə 55 artıb. İnsult hallarının artmasının əsas səbəbləri arasında qan damarlarının lövhələrlə daralması və ya tıxanması nəticəsində yaranan ürək-damar xəstəlikləri var.
Ateroskleroz kimi tanınan bu prosesdə damar divarlarında xolesterin, kalsium və digər maddələr toplanır.
Gənclərdə insult hallarının artmasının stresli həyat tərzi, düzgün olmayan qidalanma, oturaq həyat tərzi, siqaret və həddindən artıq spirtli içki qəbulu kimi amillərlə bağlı olduğu bildirilir.
Mütəxəssislər bu vəziyyəti "Gənc yaş qruplarında qulaqcıqların fibrilasiyası kimi diaqnoz qoyulmamış hallar fərq edilmir" deyərək izah edirlər. Məlumatlar gənclərin daha az içki içdiyini göstərsə də, həddindən artıq spirtli içki qəbul edənlərin sayı artır.
Statistikaya görə, cəmi 5 ildə alkoqolla əlaqəli xəstəliklərdən ölən kişilərin sayı üçdə bir artıb. Həddindən artıq spirt istehlakı qan damarlarının daralmasına səbəb olan hormon səviyyələrini artıra bilər, bütün bədəndə qan axını məhdudlaşdırır və laxtalanma riskini artırır.
Ekspertlər deyir ki, siqareti tərgitmək, sağlam həyat tərzinə yiyələnmək, aktiv qalmaq və simptomların erkən aşkarlanması gənclər arasında insult riskini əhəmiyyətli dərəcədə azalda bilər.
