Bu gün, UEFA Avropa Liqasının ümumi mərhələsinin altınci turu çərçivəsində Azərbaycan təmsilçisi “Qarabağ” futbol klubu oyununu səfərdə İsveçin "Elfsborq" klubu ilə keçirəcək.
Əvvəlki 5 görüşdə üç xal toplayan “Qarabağ” İsveç klubu ilə görüşdə azarkeşlərini sevindirməyə çalışacaq.
Matçı António Nobrenin başçılıq etdiyi Portuqaliyadan olan hakimlər briqadası idarə edəcək.
Start fiti Bakı vaxtı ilə saat 00:00-də səslənəcək "Elfsborq" -"Qarabağ" görüşməsi Borås şəhərində, Borås Arena stadionunda keçiriləcəkdir.
"Qarabağ" bundan əvvəl əsas mərhələdə "Tottenhem" (0:3), "Malmö" (1:2), "Ayaks" (0:3) və "Lion"a (1:4) uduzaraq, "Bode-Qlimt"i (2:1) məğlub edib.
Xatırladaq ki, ağdamlılar hazırda Avropa Liqasının turnir cədvəlində 3 xalla 32-ci, "Elfsborq" isə 4 xalla 28-ci pillədə qərarlaşıb.
Almaz Həsənli
