Bakı,12 dekabr, AZƏRTAC
Futzal üzrə Avropa çempionatının seçmə mərhələsində Azərbaycan millisi ilə V qrupda yer alan İsveç komandası ilk oyununu keçirib.
AZƏRTAC xəbər verir ki, Skandinaviya təmsilçisi doğma meydanda Yunanıstanla qarşılaşıb. Görüş qonaqların 4:1 hesablı qələbəsi ilə yekunlaşıb.
Qeyd edək ki, Azərbaycan millisi ilk oyununu dekabrın 17-də Bakı İdman Sarayında İsveç yığmasına qarşı keçirəcək. Görüş saat 20:00-da başlayacaq.
