“Unibank KB” ASC fond bazarından 15 milyon ABŞ dolları dəyərində faizli borc cəlb etmək istəyir. Bu Mərkəzi Bankın cari məzənnəsi ilə 25.5 milyon Azərbaycan manatına bərabərdir.
Banker.az bunu bankın Emissiya prospekti və ya informasiya memorandumuna istinadən xəbər verilir.
Sənəddə bildirilir ki, bank tənzimləyiciyə hər biri 1000 dollar olan 15 000 ədəd istiqraz buraxmaqla bağlı müraciət edib.
Dollarda emissiya edilən istiqrazın illik gəlirlik dərəcəsi 8 faizdir. Ümumilikdə istiqrazların tədavül müddəti 24 ay olaraq göstərilib.
Bankın audit edilmiş hesabatına görə 2023-cü ili 31.07 milyon manat xalis mənfəətlə bitirib. Bank balansındakı illər üzrə yığılmış zərər keçən ildən etibarən bölüşdürülməmiş mənfəətə çevirib.
