NATO ölkələri Arktika bölgəsində hərbi fəaliyyətləri gücləndirib.
Bu barədə Rusiya Hərbi Dəniz Qüvvələrinin Baş Komandanı Aleksandr Moiseyev məlumat verib.
“Arktikanı potensial münaqişə bölgəsi hesab edərək, ABŞ və NATO ölkələri regionda hərbi fəaliyyətləri intensivləşdiriblər”, o, “Arktika: bu gün və gələcək” XIV beynəlxalq forumunun plenar sessiyasında bildirib.
Moiseyevin sözlərinə görə, NATO ölkələri Şimal Buzlu Okeanında dəniz qüvvələrinin operativ istifadəsi regionunu genişləndirərək, Arktikanın çətin iqlim şəraitində qoşunlardan istifadə yolları üzərində işləyir. Bundan əlavə, o, hava kəşfiyyatının intensivliyinin və kəşfiyyat gəmilərinin və hərbi gəmilərin fəaliyyətinin artırılmasını açıqlayıb.
