Atəşkəsdən sonra belə Varşava öz qoşunlarını Ukraynada yerləşdirməyəcək. “RİA Novosti” xəbər verir ki, bunu Polşanın baş naziri Donald Tusk Fransa prezidenti Emmanuel Makronla görüşündə deyib.
“Cənab prezident bilir, biz bu haqda danışmışıq. Biz hələ belə hərəkətləri planlaşdırmırıq”, - deyə Tusk Fransa liderinin münaqişə bitdikdən sonra Ukraynada sülhməramlı qüvvələrin yerləşdirilməsi təşəbbüsünü şərh edərkən bildirib.

Baş nazirin sözlərinə görə, Varşava “ilk növbədə Avropa və Ukraynanı münaqişənin yenidən başlamasından qoruyacaq həll yolları üzərində işləməkdə” əməkdaşlığa hazırdır.Bundan əvvəl məlum olub ki, Fransa prezidenti dekabrın 12-də Polşaya səfəri zamanı Ukraynaya sülhməramlılar göndərməyə hazırlığını müzakirə etmək niyyətində olub. “Rzeczpospolita” nəşrinin yazdığına görə, Paris Ukrayna üzrə ABŞ-Rusiya danışıqlarının kənarında qalmaq istəmədiyi üçün sülhməramlılar üçün təklif irəli sürüb.

aia.az
Tərcümə şöbəsi

• Ukrayna
• Imtina
• Makron
• Qoşun
• Polşa
• Icazə