ABŞ dövlət katibi Entoni Blinken sabah Türkiyənin xairici işlər naziri Hakan Fidanla görüşmək üçün Ankaraya gəlir.
"CNN"-nin Türkiyə xidməti yazır ki, müxalifətin Suriyada terror təşkilatı PKK/YPG-nin işğal etdiyi bölgələri, o cümlədən Menbic və Deyr əz-Zor bölgələrini təmizləməsi ABŞ-ni narahat edib. Nəşr qeyd edir ki, Blinken son hadisələri xarici işlər naziri Hakan Fidanla birlikdə dəyərləndirmək uçub Ankaraya səfər edir.
"CNN"-ə görə, H. Fidan sözügedən görüşdə Blinkenə 7 kritik mesaj verəcək.
- Biz yeni və kritik bir mərhələdən keçirik;
- Suriyada nizamlı keçid prosesi lazımdır;
- Ölkənin daha da qeyri-sabitliyə və parçalanmaya sürüklənməsinin qarşısını almaq vacibdir;
- Suriyanın ərazi bütövlüyünü və birliyini qorumaq vacibdir;
- Keçid prosesinin problemli olmaması üçün beynəlxalq maraqlı tərəflərin də rolu var;
- Lazımi humanitar yardım və siyasi dəstək göstərilməlidir;
- Hadisələrin yeni reallığı nəzərə alaraq istiqamətləndirilməsi üçün Birləşmiş Millətlər Təşkilatı da daxil olmaqla bütün platformalarda intensiv səylərə ehtiyac var.
"AzPolitika.info"
