Dünya futbolunun ulduzu Lionel Messi Bakıya etdiyi səfərdən video paylaşıb.
Musavat.com xəbər verir ki, Messi, şəxsi sosial media hesabında paylaşdığı görüntülərlə Azərbaycandakı izləyicilərini sevindirib.
Videoda Messinin paytaxtın tarixi və müasir məkanlarını ziyarət etdiyi, yerli mədəniyyətə olan marağını nümayiş etdirdiyi anlar əks olunub. Xüsusilə İçərişəhər, Heydər Əliyev Mərkəzi və Bakı Bulvarında çəkilən kadrlar izləyicilər tərəfindən böyük maraqla qarşılanıb.
Messinin paylaşımı sosial şəbəkələrdə sürətlə yayılaraq geniş müzakirələrə səbəb olub. Azarkeşlər futbolçunun Bakı səfərindən razı qaldığını və onunla qürur duyduqlarını ifadə ediblər.
Musavat.com
