Ötən axşam Xalq artisti və iş adamı Emin Ağalarovun doğum günü olub.
OLAY yazır ki, sənətçi özəl gününü həyat yoldaşı, model Alyona Qavrilova, qızı Afina, anası İrina Ağalarova, dostları və həmkarları ilə birlikdə restoranların birində təmtəraqlı şəkildə qeyd edib.
45 yaşına qədəm qoyan Ağalarov üçün üzəri qaragilə ilə bəzədilmiş nəhəng tort hazırlanıb.
Şamlarla bəzədilən həmin tortu bir yandan Emin digər tərəfdən isə xanımı Alyona ilə valideyni İ.Ağalarova üfürüb.
Yaddaqalan bu anları isə Xalq artisti instaqram səhifəsində yayımlayıb.
A.Qavrilova əri E.Ağalarovla bağlı instaqram səhifəsində bir neçə post paylaşıb.
Alyona Eminlə bərabər çəkdirdiyi romantik dolu şəkillərinə “Ad günü gecəsindən çəkilən yeganə foto. Canın sağ olsun və hər zaman enerjili ol. Doğum günün mübarək, ərim! Ailəmiz üçün etdiyin hər şeyə görə sənə təşəkkürümü bildirirəm. Səni sevirəm!” şərhini yazıb.
Sənətçinin xanımının yayımladığı fotolar arasında isə üzü görsənmədiyi qızları Afinana da yer alıb.
