Rusiya qazının tədarükünün kəsilmək təhlükəsi ilə əlaqədar Moldovada fövqəladə vəziyyət tətbiq ediləcək.
Axar.az xəbər verir ki, bununla bağlı Moldova parlamenti dekabrın 13-ü gecə qərar qəbul edib.
Məlumata görə, fövqəladə vəziyyət dekabrın 16-dan tətbiq olunacaq və 60 gün davam edəcək.
Qərarın lehinə 101 deputatdan 56-sı səs verib.
Qeyd edək ki, Rusiya qazının Moldovaya Ukraynadan tədarükü 2025-ci ilin yanvarın 1-dən dayandırılacaq.
