Başqırdıstandan Azərbaycana ixrac üçün nəzərdə tutulan daha bir partiya dondurulmuş hinduşka əti yarımfabrikatlarına nəzarət tədbirləri həyata keçirilib.
Rusiyanın Baytarlıq və Fitosanitar Nəzarəti üzrə Federal Xidmətinin ("Rosselxoznadzor") məlumatına görə, Rusiya Dövlət sərhədində və nəqliyyatda baytarlıq nəzarəti İdarəsinin mütəxəssisləri tərəfindən yoxlanılan ət məhsullarının çəkisi 16 ton təşkil edib.
Ümumilikdə, ilin əvvəlindən Başqırdıstanın istehsalçı müəssisəsi tərəfindən Azərbaycana 26 partiya yarımfabrikat hinduşka əti məhsulları ixrac edilib. Bütün tədarüklərin ümumi çəkisi 363 ton olub.
