Qeyri-adi istedad sahibi, bəstəkar Yaqut Almaz "101 mahnı " adlı layihəyə imza atmışdır. Layihə çərçivəsində həyata keçirilən əsas məqsəd Azərbaycan musiqi sənətinə müxtəlif mövzu və janrlarda yeni mahnılar bəxş etməkdir. Layihəyə təqdim olunan şeirlər bəstələnib, nota alınaraq, kitab formasında çap olunacaqdır. Şeir bəstələndikdən dərhal sonra, mahnının orijinal versiyası bəstəkarın ifasında söz müəllifinə göndəriləcəkdir.
Layihənin maraqlı tərəflərindən biri də odur ki,bu mahnı kitabında şeirləri bəstələnmiş şairlər haqqında məlumat və hər bir şairin foto-şəkli yer alacaq. Eyni zamanda, onların sosial şəbəkələrdəki ünvanları qeyd olunacaq. Bu da söz müəllifləri ilə ifaçılar arasında asanlıqla əlaqə saxlamasına şərait yaradacaqdır. Sözügedən mahnı kitabının təqdimatının keçiriilməsi və musiqi ocaqlarına hədiyyə olunması nəzərdə tutulmuşdur. Mahnı kitabının musiqi ocaqlarına təqdim olunması, gələcəkdə ifaçıların yeni mahnılardan ibarət repertuar seçməsinə kömək edəcəkdir. Yaqut Almaz imzası ilə bir çox sənət adamlarının ifasında müxtəlif janrda olan mahnılar səslənməkdədir. İfaçılarımızla yanaşı, Yaqut Almaz özü də bəstələdiyi mahnıları ifa edir. Əsasən lirik və estrada janrında mahnılar bəstələyən Yaqut Almaz eyni zamanda xalq musiqisindən bəhrələnərək ruhu oxşayan rəngarəng melodiyalar da yaratmaqdadır. Yaqut Almaz şəhidlərimizin xatirəsinə təmənnasız mahnı bəstələyən bəstəkarlardandır. Bəstəkar, ağır xəstəlikdən əziyyət çəkməsinə baxmayaraq musiqi sahəsində təmənnasız xidmətlərini əsirgəmir.
Layihə ilə bağlı bəstəkar Yaqut Almazın fəaliyyətinə nəzər saldığımız zaman, bəstəkarın saysız -hesabsız çox ciddi sənət nümunələri yaratdığının,mahnılarında millətinə, dövlətinə, dövlət başçısına necə yüksək dəyər verən insan olduğunun şahidi olduq. Və musiqi sənətimizə gözəl töhvələr verən Yaqut Almazın həyata keçirəcəyi layihəni işıqandırmağa qərar verdik. İnanırıq ki, bu layihə bir çox yazarlar tərəfindən alqışla qarşılanacaq və hər kəs öz şeirlərinin bəstələnib bu mahnı kitabında yer almasına tələsəcək. Yaqut Almazın yaratdığı gözəl sənət nümunələrini dinlədiyimiz zaman bir neçəsi diqqətimizi çəkdi . Onlardan birincisi Azərbaycan Respublikasınınn Prezidenti, cənab İlham Əliyevə həsr olunmuş " Prezidentim" mahnısı oldu.
Əməkdar artist Babək Niftəliyevin səsləndirdiyi bu bəstənin söz müəllifi Surə Ziyadqızıdır. Daha bir mahnı Azərbaycan Respublikasının Birinci vitse-prezidenti Mehribdn xanım Əliyevaya həsr olunmuşdur.Mahnı , əməkdar artist Sevinc Sarıyevanın ifasında səslənir. Bu mahnının da söz müəllifi Surə Ziyadqızıdır. Bəstəkarın Seçki ərəfəsində Türkiyə Prezidenti Cənab Rəcəb Tayyib Ərdoğana həsr etdiyi "Turan Erdoğan Diyor” mahnısı. “Youtube” platformasında böyük maraqla qarşılanmışdı. Mahnının ifaçısı xalq artisti Gülyanaq Məmmədovadır.Mahnının sözləri Akif Azalpa məxsusdur. Yaqut Almaz Akif Azalpın "Azərbaycan - Özbəkistan" dostluğuna həsr etdiyi şeirinin də bəstəkarıdır.Bu mahnı da Xalq artisti Gülyanaq Məmmədovanın ifasında səslənmişdir. Yaqut Almaz yaradıcılığının əsas qolunu Xalq artisti Gülyanaq xanımın ifaları tutur. Belə ki, "Gözləri ilə danışan mələklər” adlı layihə çərçivəsində hazırlanan mahnının bəstəkarı da Yaqut Almazdır və Gülyanaq Məmmədova eyni adlı mahnını ifa etmişdir.Mahnınən söz müəllifi Esmira Ehtibarqızıdır.
Həmçinin xalq artistinin ifasında Yaqut Almazın bəstələdiyi ,sözləri Hökumə Xəlilovaya məxsus "Azərbaycan- Qırğızıstan" dostluğuna, "Türkmənistan prezidentinə həsr olunmuş mahnılar yer almışdır. Mahnının söz müəllifi Bibisara Mamedovadır. Yaqut Almazın bəstələdiyi, Əməkdar artist Elnarə Xəlilovanın ifasında səslənən "Dəmir yumruq" adlı mahnı xüsusi təqdirə layiq görülərək, Şuşa şəhərində klip çəkilmişdir.Mahnı Dövlət Sərhəd Xidmətinin orkestrinin müşaiyyəti ilə hazırlanmışdır.Mahnının söz müəllifi Tural Nəqşicahandır. Yaqut Almazın Şuşa şəhərinin azad olunması münasibətilə bəstələdiyi "Sən azadsan Şuşa" adlı mahnısı Türkiiyə respublikasında keçirilən festifalda l yerə layiq görülmüşdür.Mahnının ifaçısı Aysel Əlizadə , söz müəllifi şəhid atası Sultan Orucoğludur.
Bəstəkarın yaradıcılığı ilə maraqlananlar üçün mahnılardan nümunələr qeyd edirik. Youtube kanalından izləyə bilərsiniz.
Ağanənə Seyidqızi
ÜLVİ ADİB - in sədri AİB - in üzvü şairə publisist
