"Harri Potter" filminin davam seriyasının buraxılışı gecikə bilər. Buna səbəb kimi "Warner Bros." kino şirkətinin "Harri Potter"-in yeni film adaptasiyasını ləngitməsi göstərilir.
Reyting.az-ın "Variety" jurnalına istinadla verdiyi məlumata görə, "Warner Bros." studiyasının direktoru bildirib ki, əslində ilk jesti kanal özü edib. Yəni "HBO" kanalı "Harri Potter" serialının buraxılışını təxirə salıb. Bu səbəbdən filmin çəkilişi üçün seçimlər gecikir.
"Vacib olan "Harri Potter" filminin çəkilişi üçün əsas rollarda kimlərin oynayacağını bilməkdir", - söyləyən serialın yaradıcıları iddia edirlər ki, kastinqdə 30 mindən çox abituriyent iştirak edib. Hətta 42 yaşlı ingilis Hermionanı da oynamaq üçün şirkətə müraciət edib. Lakin aparılan qeydlərin dərci zamanı məlum olub ki, əsas rollara namizəd kimi rəsmi təsdiqlənmiş ifaçılar hələ yoxdur.
Məlumata görə, Hoqvarts mentorlarını hətta Mark Stronqla Reyçel Uayz, həmçinin Paapa Essiedu, Brett Qoldsteinlə bərabər başqa sənətçilər də oynaya bilər.
Qeyd olunur ki, "Harri Potter" adlı ekran əsəri romanda təsvir edilmiş bəzi ikonik personajların ənənəvi şərhindən mümkün qədər uzaqlaşacaq.
Kino şirkətinin direktorunun sözlərinə görə, istənilən halda bu yeni filmin istehsalının gecikməsi, əsas süjet xəttinin güclənməsinə təkan verən, yəni ekranda təsvir olunacaq məşhur sehr məktəbi tələbələrinin obrazlarını canlandıracaq gənc aktyorların "qocalması" problemə səbəb olacaq. Bu önəmli məsələni qabardan yaradıcı heyət üzvləri də bildiriblər ki, həqiqətən"qocalma" prosesi baş verə bilər.
Film müəlliflərinin izahına görə, rollar üçün kastinqlər ilin əvvəlində başlasa da, serialın ilk mövsümünün yayımlanmasından üç il keçə bilər.
Oqtay QORÇU
