"Liverpul" "Mançester Yunayted"in sıralarına cəlb etmək istədiyi futbolçunu transfer etməyə yaxındır.
Fanat.Az "The Athletic"ə istinadən xəbər verir ki, söhbət "Bayern Münhen"in kanadalı müdafiəçisi Alfonso Devisdən gedir.
Xəbərə görə, artıq Devis qeyri-sabit çıxışla diqqət çəkən Mançester təmsilçisində oynamaq variantını ikinci plana keçirib. Mənbə arxa xətt oyunçusunun "Liverpul"la daha çox şeyə nail olacağına inandığını vurğulayıb.
Daha öncə Alfonsonun "Real Madrid"ə keçə biləcəyi ilə bağlı məlumatlar dərc edilmişdi.
Sözügedən futbolçunun "Bayern"lə müqaviləsinin müddəti gələn ilin yayına qədər nəzərdə tutulub. "Transfermarkt" portalı onun transfer qiymətini 50 milyon avro ilə dəyərləndirir.
Nihat
