Bəhreyndə ağırlıqqaldırma üzrə dünya çempionatı davam edir.
İdman.biz xəbər verir ki, Azərbaycan Ağırlıqqaldırma Federasiyasının vitse-prezidenti Firdovsi Umudov yarışda iştirak edən idmançılarımızla görüşüb.
Qurumun sosial şəbəkələrdəki səhifəsində yayılan məlumata görə, F. Umudov yarışda çıxış edəcək atletimiz, 2024-cü ilin Avropa çempionu Dadaş Dadaşbəyliyə federasiya rəhbərliyi adından uğurlar arzulayıb.
Qeyd edək ki, dünya çempionatında 109 kq çəki dərəcəsində yarışan Dadaşbəyli dekabrın 14-də mübarizəyə başlayacaq.
İdman.biz
