Türkiyə Prezidenti Rəcəb Tayyib Ərdoğan Sudan Suverenlik Şurasının sədri Əbdülfəttah əl-Burhan ilə telefonla danışıb.
"Cebheinfo.az" xəbər verir ki, Türkiyə ilə Sudan arasında ikitərəfli əlaqələr, regional və qlobal məsələlər müzakirə edilib.
Prezident Ərdoğan Türkiyənin Somali ilə Efiopiya arasındakı münaqişənin həlli üçün Ankara Prosesinin təşəbbüskarı olduğunu və razılaşmanın regionun sülhünə mühüm töhfə verdiyini bildirib.
Prezident Ərdoğan Türkiyənin Sudan ilə Birləşmiş Ərəb Əmirlikləri arasındakı mübahisələrin həlli üçün addım ata biləcəyini, Sudanda sülh və sabitliyin təmin edilməsinin, ərazi bütövlüyünün və suverenliyinin qorunmasının, ölkənin xarici müdaxilələr bölgəsinə çevrilməsinin qarşısının alınmasının vacibliyini vurğulayıb.
Prezident Ərdoğan Suriya xalqının 13 illik humanitar böhrandan sonra öz gələcəyini təyin etmə mərhələsinə gəldiyini, Türkiyənin də bu prosesə töhfə verəcəyini, Suriyanın siyasi birliyinin və ərazi bütövlüyünün qorunmasını dəstəklədiyini bildirib.
