Kaliforniya sakini Gregg Musqrov San Fernando vadisindəki tərk edilmiş anbarda Maykl Cekson mahnılarının yer aldığı 12 audio kaset aşkar edib.
Teleqraf.com xəbər verir ki, bu barədə "The Hollywood Reporter" jurnalı məlumat yayıb.
"Mən ona qulaq asıram və ürəyim ağrıyır, çünki heç kim bunu eşitməyib" - Musqrov deyib.
Onun sözlərinə görə, anbar əvvəllər Ceksonun qısa müddət əməkdaşlıq etdiyi musiqi prodüseri və müğənni Brayan Lorenə məxsus olub. Musqrov tapıntını satmağı planlaşdırdığını etiraf edib və o, dörd hərrac evinə təklif göndərib.
Nəşrin məlumatına görə, kasetlərdə “Pop kralı”nın Dangerous (1991) albomu çıxana qədər üzərində işlədiyi 12 naməlum mahnı var.
Müəllif: Arzu
