Kəpəz (Gəncə) - Zirə 0:4 (0:2)
1. Rojerio Santos - 4,5
7. Ehtiram Şahverdiyev - 5,0
12. Turan Manafov - 5,0
70. Nicat Suleymanov - 4,5
(77. Viktor Braqa, 58) - 5,0
5. Rauf Hüseynli - 4,5
(21. Camal Cəfərov, 58) - 5,0
26. Valdemar Almeyda - 5,0
9. Luis Paçu - 4,5
(11. Orxan Əliyev, 15) - 5,0
29. Dioqo Verdaska - 5,0
78. Yeqor Xvalko (k) - 5,0
3. Mahamadu Ba - 5,0
10. Karim Lkouça - 5,5
Ehtiyat oyunçular
22. Məmməd Hüseynov
18. Elgün Bayramov
80. Tural Rzayev
99. Əli Səmədov
20. Mahir Həsənov
17. Ümid Səmədov
97. Nicat Məmmədov
19. Lassana Ndiaye
Baş məşqçi: Azər Bağırov
Komandanın ən yaxşısı: Karim Lkouça
13. Aydın Bayramov - 5,5
21. Hacıağa Hacılı - 5,5
8. İsmayıl İbrahimli - 6,0
(16. Fuad Bayramov, 77) - qiymətsiz
14. Elçin Əlicanov - 6,5
4. Ruan Renato (k) - 5,5
90. Davit Volkov - 5,5
10. Georgi Papunaşvili - 7,0
70. İssa Cibrila - 6,5
(15. Pyer Zebli, 77) - qiymətsiz
18. Junior Martins - 6,5
(24. Yusuf Laval, 72) - 5,0
6. Eldar Quliyev - 5,5
(29. Ceyhun Nuriyev, 61) - 6,0
19. Salifu Suma - 6,5
(17. Ayron Qomis, 61) - 5,0
Ehtiyat oyunçular
97. Tyaqo Silva
41. Anar Nəzirov
7. Məqsəd İsayev
22. İldar Alekperov
5. Stefan Aka
3. Ange Mutsinzi
28. Abbas İbrahim
Baş məşqçi: Rəşad Sadıqov
Komandanın ən yaxşısı: Georgi Papunaşvili
Qollar: S.Suma, 32 (1:0, J.Martins). G.Papunaşvili, 45+2 (2:0). İ.Cibrila, 47 (3:0, İ.İbrahimli). E.Əlicanov, 73 (4:0, C.Nuriyev).
Vərəqə: O.Əliyev, 40 (qeyri-idman hərəkəti) - sarı.
Hakim: TURAL QURBANOV, Zöhrab Abbasov, Teymur Teymurov, Əli Əliyev (hamısı Bakı).
VAR hakimi: Rəşad Əhmədov (Mingəçevir).
VAR hakiminin köməkçisi: Eyyub İbrahimov (Bakı).
Hakim-inspektor: Anar Salmanov (Bakı).
AFFA nümayəndəsi: Kifayət Mustafayeva (Bakı).
8 dekabr. Tovuz. Şəhər stadionu. 150 tamaşaçı (6800 yerlik).
Hər hissəyə iki dəqiqə əlavə olunub.
Oyunun qiyməti: 6,0.
"Səbail"in "Araz-Naxçıvan"a uduzması "Kəpəz"i, "Sabah"ın "Qarabağ"dan xal alması "Zirə"ni qələbəyə kökləyirdi ki, son ana qədər rəqibinə qalib gəlməyə çalışsın və mövqeyini möhkəmləndirsin. Onsuz da sonuncu pillədən qurtulan "sarı-göylər" "dənizçilər"lə aradakı xal fərqini artırmağa məcbur idi. Ən azı hadisələrin məntiqi ardıcıllığı bunu tələb edirdi. Təbii ki, "qartallar" da ilk "4-lük"dəki yerini qoruyub-saxlamağın əhəmiyyətini anlayırdı.
Mənə elə gəlir ki, meydan sahibləri döyüşmək əvəzinə "Şamaxı" üzərində qazanılan qələbədən sonra yaranan arxayınlığın qurbanı oldu. Düzdü, ilk dəqiqələrdə nümayiş etdirilən oyun belə danışmağa əsas vermir. Hətta demək olar ki, hesabı açmağa daha yaxın olan "Kəpəz" idi. Lakin Aydın bir qədər uzaq məsafədə təyin olunan cərimə zərbəsi zamanı birbaşa "çərçivə"ni nişan alan Turana mane oldu. 22-ci dəqiqədə Ba komandasını sevindirmək fürsətini qeyri-dəqiqlik üzündən boşa verdi. "Zirə"nin meydandakı varlığı 32-ci dəqiqədə hiss olundu. Qonaqlar bir neçə saniyə ərzində qurduğu ardıcıl hücumlar sayəsində hesabı açdı. Əvvəl sol cinahdan irəliləməklə topu cərimə meydançasına çatdıran Martinsin əziyyətini Volkov qeyri-dəqiq baş zərbəsiylə yerə vurdu. Juniorun növbəti ötürməsini dəyərləndirən isə Suma oldu. Qvineyalı fərqlənmək üçün qapıya paralel şəkildə göndərilən topun yönünü dəyişdi ki, nominal meydan sahiblərinin əlindən nəsə gəlmədi. Belədə "Kəpəz"in böyük istəklə hücuma atılacağını düşünsək də, yanıldıq. "Zirə"nin 45+2-ci dəqiqədə fərqi artırması isə gəncəlilərin qələbə ümidinə son qoydu. Əslində Santos bunu əngəlləyə bilərdi. Lakin o, Sumanın zərbəsini dəf etdikdən sonra top meydanda qaldı. Nəticədə fürsətdən istifadə edən Papunaşvili istəyinə çatdı - 2:0.
Hər halda, "sarı-göylər" 2-ci hissədə heç-heçə üçün çalışmaq, azı bir xal qazanmaqla "Səbail"dən aralaşmaq imkanına sahib idi. Amma "qartallar"ın 47-ci dəqiqədə fərqi üçə çatdırması bu hədəfi də imkansıza çevirdi. Dəqiq desək, İsmayıl topu Nicatdan "oğurladı" və Cibrilaya çatdırdı. Təkbaşına irəliləyən nigeriyalı Xvalkonu asanlıqla aldadaraq cərimə meydançasının həndəvərindən "çərçivə"ni dəqiq nişan aldı. Bir qədər sonra "Kəpəz" 51-ci dəqiqədə qollardan birinin əvəzini çıxmağa yaxın oldu. Sadəcə, Lkouçanın ötürməsini qəbul edən Orxan Hacıağanın müdaxiləsindən sonra topu itirdi və Elçin dərhal təhlükəni sovuşdurdu. Ardınca Ehtiram uzaqdan, Lkouça cərimə meydançasının daxilindən bəxtini sınadı ki, Aydın hər iki epizodda xilaskar rolunda oldu. Çox keçmədən Ba Braqanın ötürməsini dəyərləndirə bilmədi. Daha doğrusu, Aydın növbəti dəfə seyvlə yadda qaldı. Elə bu ərəfədə "Zirə" fərqi dördə çatdırdı. 73-cü dəqiqədə yerinə yetirilən künc zərbəsindən sonra Santos üzərinə gələn topu dəf etsə də, Elçin Ceyhunun ötürdüyü "kürə"ni tora qovuşdura bildi.
Növbəti dəqiqələrdə daha bir neçə təhlükəli vəziyyət izlədik. Qomisin uzaqdan zərbəsini Santos zərərsizləşdirdi, ardından Lkouça fərqlənsə də, qol sayılmadı. Halbuki topun qapı xəttini keçdiyini görmək mümkün idi. 82-ci dəqiqədə Santos Lavalla təkbətək mübarizədən qalib ayrıldı. Volkov və Fuadın qol müəllifi olmaq istəyi isə qeyri-dəqiqlik üzündən reallaşmadı. Beləliklə, “Zirə” Bakıya darmadağınla döndü. "Kəpəz" isə daha çox çalışmalıdı. Hər halda, aşağı pillələrdə qərarlaşan komandalar arasında xal fərqi azdı.
Gözdən qaçmadı
* Gəncəli azarkeşlər ilk dəqiqələrdən hakimin üzərində təzyiq yaratmağa çalışdı. Demək olar ki, bütün qərarlara etiraz edir, komandalarının xeyrinə qərarlar tələb edirdilər.
* "Xəmsə" və "Qartallar" fanklubu tribunalarda idi. Qonaq tərəfdarlar adları yazılan pankartı açmamışdı. Onlar yalnız ilk qoldan sonra dəstək göstərməyə başladılar.
* "Kəpəz"in azarkeşləri final fitindən sonra birbaşa paltardəyişə otağına yollanan komandaya qəzəbləndilər və tənqidi şüarlar səsləndirdilər.
KƏNAN BAHADIR
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
