1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Ötən gündən başlayan güclü külək Qəbələ və Oğuz rayonunda fəsadlara səbəb olub. Hər iki rayonun bəzi kəndlərində elektrik enerjisinin verilişində fasilə yaranıb.
Məsələ ilə bağlı "Azərişıq" ASC-dən Oxu.Az-ın sorğusuna cavab olaraq bildirilib ki, sözügedən ərazilərdə bir-iki saat ərzində elektrik enerjisinin verilişi bərpa olunacaq:
"Qəbələ və Oğuz rayonun bəzi kəndlərində güclü külək nəticəsində aşan ağaclar elektrik xətlərinin sıradan çıxmasına səbəb olub. Nəticədə rayonun bəzi kəndlərində elektrik enerjisinin verilişində fasilə yaranıb. Hadisə yerinə dərhal qəza xidməti cəlb olunub. Təmizlənmə işləri görülür. İşlər yekunlaşdıqdan sonra yaxın 1-2 saat ərzində elektrik enerjisinin verilişi bərpa olunacaq", - deyə məlumatda qeyd olunub.
Aygün Mirakif
