Macarıstanın xarici siyasət prioriteti Avropada sülhdür. Bunu Bolqarıstan Milli Televiziyasına müsahibəsində Macarıstanın xarici işlər və xarici iqtisadi əlaqələr naziri Peter Siyarto deyib.“Sülhsevər Avropa bizim bir nömrəli məqsədimizdir. İkincisi, Avropa rəqabət qabiliyyəti baxımından uduzmamalı, əksinə qalib gəlməlidir. Təəssüf ki, son illərdə o, öz siyasətinin həddən artıq ideologiyalaşması səbəbindən uduzmağa başlayıb. Avropa İttifaqı super güc deyil, Brüssel isə imperiyanın paytaxtı deyil”, - deyə nazir bildirib.Siyarto vurğulayıb ki, Ukraynadakı münaqişə dayandırılmalıdır. Əgər Kiyevdə səfərbərlik yaşının aşağı salınması ilə bağlı qərar qəbul edilərsə, bu, daha çox ölüm sayına səbəb olacaq ki, bu da qəbuledilməzdir.Nazir ABŞ-da keçirilən prezident seçkilərinin nəticəsindən də məmnun olduğunu bildirib. Onun fikrincə, ştatların seçilmiş lideri Donald Tramp sülhün bərpasına ümiddir.“Prezident Tramp Ukraynadakı münaqişənin bitəcəyinə ümid edir. Onun qələbəsi ilə normal vəziyyətə qayıtmaq daha real olacaq”, - deyə siyasətçi qeyd edib.
